Qindra njerëz u mblodhën përpara ministrisë së brendshme të Kirgistanit të Enjten për të kërkuar dorëheqjen e udhëheqjes së saj për atë që ata e quajtën mosveprim të policisë për vrasjen e një gruaje të rrëmbyer, raporton Reuters.
Aizada Kanatbekova, 27, u rrëmbye në 5 Prill dhe u gjet e mbytur në një makinë në një zonë rurale dy ditë më vonë, së bashku me vrasësin e saj të dyshuar i cili kishte vdekur nga plagët e thikës, me sa duket i vetë-shkaktuar.
Bashkëpunëtori i tij i dyshuar është ndaluar.
Fakti që policia nuk kishte arritur të gjente të dyshuarin edhe pse rrëmbimi ishte kapur në kamera me modelin e makinës dhe targat e dukshme qartë ka nxitur zemërimin e publikut dhe thirrjet për dorëheqjen e zyrtarëve të lartë.
Rreth 500 njerëz u mblodhën përpara selisë së ministrisë në kryeqytetin Bishkek të enjten, duke thirrur "Turp!".
Kryeministri Ulugbek Sharipov iu drejtua turmës, duke u kërkuar nga ta që t'i jepnin kohë policisë për të hetuar krimin.
