Babai themelues i Tanzanisë, Julius Nyerere, është nderuar me një statujë jashtë selisë së Bashkimit Afrikan në kryeqytetin e Etiopisë, Addis Ababa.
Nyerere udhëhoqi atë që tani është Tanzania nga pavarësia në vitin 1961 deri më 1985-në.
I njohur si Mëalimu, luajti një rol kyç në krijimin e Organizatës së Unitetit Afrikan, e cila më vonë u bë Bashkimi Afrikan.
Duke zbuluar statujën në një ceremoni ku morën pjesë krerë të shumtë shtetesh afrikane, udhëheqësi i Komisionit të AU Moussa Faki Mahamat tha: “Trashëgimia e këtij lideri të shquar përfshin thelbin e panafrikanizmit, mençurinë e thellë dhe shërbimin ndaj Afrikës”.
Ai kujtoi komentet e vetë Nyerere në samitin inaugurues të OAU në 1963. “Kontinenti ynë është një, dhe ne jemi të gjithë afrikanë.”
Por kur ai u bë kryeministër i asaj që ishte atëherë Tanganyika në vitin 1961, detyra e tij e parë ishte të bashkonte vendin e ri, të përbërë nga më shumë se 120 grupe të ndryshme etnike, duke përfshirë pakicat arabe, aziatike dhe evropiane, shkruan BBC.
