10,000 vaksinat e para për trajtimin e lisë së majmunëve do të mbërrijnë javën e ardhshme në Afrikë, i cili ka shkaktuar alarm global. Ardhja e ngadaltë të dozave të cilat tashmë janë vënë në dispozicion në më shumë se 70 vende jashtë Afrikës.
Organizatës Botërore të Shëndetësisë (OBSH) iu desh deri në këtë muaj për të nisur zyrtarisht procesin e nevojshëm për t’u dhënë vendeve të varfra akses në sasi të mëdha vaksinash nëpërmjet agjencive ndërkombëtare.
Por zyrtarët dhe shumë shkencëtarë kanë bërë të ditur se dërgimi i këtyre dozave të vaksinave duhet të kishte filluar vite më parë, kur kjo sëmundje nisi të shfaqej dhe se OBSH-ja dhe të tjerët duhet të ishin fokusuar më herët në përmirësimin e aksesit ndaj vaksinave si dhe testeve për sëmundjen.
Pritja e gjatë për miratimin e OBSH-së për agjencitë ndërkombëtare për të blerë dhe shpërndarë vaksinën ka detyruar qeveritë afrikane dhe agjencinë e shëndetit publik të kontinentit të kërkojnë donacione nga vendet e pasura.
10,000 vaksinat e para të bëra nga Bavaria Nordic – u dhuruan nga Shtetet e Bashkuara, ndërsa qeveritë afrikane kërkojnë 10 milionë doza për të trajtuar virusin. Lia e majmunëve është një infeksion potencialisht vdekjeprurës që shkakton simptoma të ngjashme me gripin dhe puçrra të mbushura me qelb dhe përhapet përmes kontaktit të ngushtë fizik.
Ai u shpall një emergjencë globale shëndetësore nga OBSH më 14 gusht pasi lloji i ri, i njohur si Clade potencialisht më vdekjeprurës i virusit po përhapet me shpejtësi brenda Afrikës dhe është zbuluar në Azi dhe Evropë.
Vendi aktualisht më i goditur është Kongo. Që nga janari 2023, ka pasur më shumë se 27,000 raste të dyshuara dhe 1,100 vdekje atje kryesisht midis fëmijëve. Deri më tani lia e majmunëve është përhapur në Burund, Kamerun, Republikën e Afrikës Qendrore, Republika Demokratike të Kongos, Gana, Bregu i Fildishtë, Kenia, Liberia, Mozambiku, Nigeria, Pakistani, Filipinet, Ruanda, Afrika e Jugut, Suedia, Tajlanda dhe Uganda.
