Bilanci i viktimave si pasojë e shembjes së një ndërtese në Dar-es-Salaam të Tanzanisë u rrit në 20, njoftoi sot presidentja Samia Suluhu Hassan gjatë një vizite në vendin e shembjes së objektit shumëkatësh, pas kthimit nga samiti G20 në Brazil.
Ajo shprehu ngushëllimet dhe theksoi shqetësimet për standardet e ndërtimit ndërsa iu drejtua pronarëve të prekur të dyqaneve në rrethin Kariakoo.
"Kjo ngjarje ka dërguar një mesazh të fortë për nevojën për të garantuar sigurinë e ndërtesave tona në Kariakoo. Kur inspektova ndërtesën, struktura, muret dhe materialet e saj treguan shenja të qarta keqmenaxhimi. Një ndërtesë e madhe si kjo u ndërtua pa marrë parasysh rreziqet e mundshme.”
Presidentja njoftoi formimin e një komisioni prej 20 anëtarësh për të hetuar rastin.
Lidhur me mundësinë e gjetjes së më shumë viktimave, Hassan tha se përpjekjet për kërkim do të vazhdojnë, duke i dhënë përparësi rikuperimit të sendeve gjatë kërkimit të trupave të mbetur.
Ajo tha se viktimat do të prehen me respekt të plotë dhe pronat e humbura do të sigurohen, me pronarët e ligjshëm të ftuar më vonë për t'i kërkuar ato.
