Lideri i AAK-së, Ramush Haradinaj tha se presidenti historik, Ibrahim Rugova mori përsipër udhëheqjen e vendit me mjete paqësore, në rrethana shumë të rënda për Kosovën dhe shqiptarët.
Duke i uruar ditëlindjen, Haradinaj tha se kishte fatin të jetë bashkëpunëtorë i Rugovës në vitet e para të lirisë.
Tutje ai shtoi se gjithmonë i kujton idetë dhe qëndrimet e tij,bashkëpunimin dhe veçmas mbështetjen në kohën kur ishte ftuar të ballafaqohej me drejtësinë ndërkombëtare.
"Bashkë arritëm t’i zhdukim ndasitë e theksuara që ishin brenda nesh", shkruan Haradinaj.
Postimi i plotë:
Presidenti historik, Ibrahim Rugova mori përsipër udhëheqjen e vendit me mjete paqësore, në rrethana shumë të rënda për Kosovën dhe shqiptarët.
Kisha fatin të jem bashkëpunëtor i Presidentit Rugova në vitet e para të lirisë. Gjithmonë i kujtoj idetë e qëndrimet e tij, bashkëpunimin dhe veçmas mbështetjen që më dha në kohën kur isha ftuar për ballafaqim me drejtësinë ndërkombëtare.
Bashkë arritëm t’i zhdukim ndasitë e theksuara që ishin brenda nesh.
Urime ditëlindja, President!
RH
