U.d. e detyrës së presidentit, Vjosa Osmani, ka shpjeguar arsyen përse, menjëherë pas marrjes së postit, ka bërë homazhe para varrit të ish-presidentit Rugova, si dhe familjes së ‘Komandantit Legjendar’, Adem Jasharit.
Osmani, e ftuar në një intervistë në RTK, ka thënë se arsyeja e këtyre homazheve ishte thirrja për unifikim politik.
“Përkulja para varrit të presidentit historik dhe para familjes Jashari është nevojë për vendime të unifikuara. Homazhet e mia janë lidhur me mesazhin që ne duhet që të gjithë bashkë të përçojmë unitet”, ka deklaruar Osmani.
Osmani, përgjatë ditës së sotme, konfirmoi se do t’ia vazhdojë kontratën William Walker’it.
