Edhe Mimoza Kusari Lila ka reaguar për vendimin e Kushtetueses.
Përmes një postimi në Facebook, ajo ka thënë se sonte në natën më të gjatë të vitit, vjen drita e shpresës për fitoren e drejtësisë mbi të padrejtën, e punës mbi mashtrimin dhe kthimit të vullnetit të qytetarëve aty ku e ka vendin, përcjell Bota sot.
Ajo ka thënë se sonte u përmbys qëllimi dhe plani i mashtruesve dhe pazargjive.
"Kosovë, pranvera po të vjen më herët kësaj radhe", ka shkruar ndër të tjera ajo.
Postimi i saj i plotë:
Sonte në natën më të gjatë të vitit, vie drita e shpresës për fitoren e drejtësisë mbi të padrejtën, e punës mbi mashtrimin dhe kthimit të vullnetit të qytetarëve aty ku e ka vendin, në institucionet legjitime të shtetit.
Sonte u përmbys përfundimisht qëllimi dhe plani i mashtruesve dhe pazargjive.
Nuk ka rrugë të shkurtër për te suksesi dhe as bypass për te pushteti.
Kush e mendon ndryshe e gjen atë që e meriton, shkarkimin dhe dënimin nga qytetarët sot dhe gjykimin nga historia nesër.
Kosovë, pranvera po të vjen më herët kësaj radhe!
