Liri Loshi, ish mjek i UÇK-së gjatë luftës, dhe njeriu që ishte si dëshmitarë në Hagë, për masakrën në Izbicë, kundër kriminelit Millosheviç, përmes një postimi në Facebook, ka komentuar vendimin e fundit të Gjykatës Kushtetuese.
Loshi konsideron se në Kosovë po ndodh tronditja e skenës politike si pasojë e vendimeve të drejta, por dukshëm të vonuara të Kushtetueses.
Në këtë postim, Loshi i ka dhënë një paralajmërim liderit të VV-së, Albin Kurti, që të jetë i kujdesshëm, pasi sipas tij, servilët ia fusin shtetin në grusht hiç pa dashur ai.
Ja shkrimi i tij në Facebook:
A është e mundur që shkuarja në Hagë e dikujt i ka mundësuar dikujt tjetër që të jetë vetvetja? Prandaj po ndodh tronditja e skenës politike si pasojë e vendimeve të drejta, por dukshëm të vonuara të Kushtetueses. Dhe, a janë vërtet vetvetja, apo njerëzit duan të bëhen pjesë e epokës së Albin Kurtit?
A po fillon ç’kapja e shtetit vërtet, apo njerëzit po i ndërtojnë padronët në shtetin e kapur. Albin Kurti duhet të jetë i kujdesshëm, sepse servilët ia fusin shtetin në grusht hiç pa dashur ai. Pastaj fillon të ndihet më i madhi.
Pastaj nuk e lëshon shtetin nga grushti, sepse ai i jep fuqinë magjike të njeriut të madh, më të madhit në vend.
