Deputetja nga radhët e VV-së, Albulena Haxhiu përmes një shkrimi në facebok ka reaguar në lidhje me deklaratën e saj dhe të bashkëpartiakut Konjufca.
Haxhiu u shpreh që nuk kanë kundërshtuar njëri-tjetrin pasi e kanë thënë të njëjtën gjë mirëpo e kanë thënë në mënyra të ndryshme, transmeton “Bota sot”.
Ajo u shpreh që njëri në përpjekje për të vënë në pah se tash gjendemi në një kontekst të ri politik në të cilin PDK është e parëndësishme që Lëvizja t’i vihet përballë, e që u keqkuptua qëllimisht, e tjetri në gjuhë të thjeshtëzuar për t’ia rikujtuar PDK-së që mbetet po e vjetra.
Postimi i plotë
Unë dhe Glauku nuk e kemi kundërshtuar njëri-tjetrin. E kemi thënë të njëjtën gjë, në mënyra tjera. Njëri në përpjekje për të vënë në pah se tash gjendemi në një kontekst të ri politik në të cilin PDK është e parëndësishme që Lëvizja t’i vihet përballë, e që u keqkuptua qëllimisht, e tjetri në gjuhë të thjeshtëzuar për t’ia rikujtuar PDK-së që mbetet po e vjetra.
Qeveria e udhëhequr nga Lëvizja VETËVENDSOJE! është e pashmangshme. Ne po punojmë që ta sigurojmë këtë, dhe besojmë në vullnetin e qytetarëve dhe punën e Lëvizjes.
