Këngëtari Labinot Tahiri për të cilin është përfolur se nuk beson që ekziston virusi COVID-19, ka thënë se ata që kanë krijuar një slogan nëpër rrjetet sociale “Bravo Lab” kanë gabuar.
Ai ka thënë se prej ditës së parë të pandemisë ka kontribuar me maska dhe pajisje për oksigjen.
Ish-deputeti Labinot Tahiri ka thënë se planifikon që të garojë në zgjedhjet e ardhshme për t’u bërë deputet në Kuvendin e Kosovës.
“Në VV është 70% e rinisë duke u anëtarësuar aty dhe mendoj se gjithçka shkon me të ri. Ose në VV ose LDK – këto janë dy parti që mund të inkuadrohem. Kam pasur oferta dhe besoj që këto ditë mund të vendoset”.
