Ushtruesja e Detyrës së Presidentit, Vjosa Osmani pritet që nesër ose pasnesër të caktoj datën e zgjedhjeve të reja parlamentare.
Kështu kanë bërë të ditur burime të afërta me Presidencën e Kosovës.
“Nesër ose të martën pritet që ushtruesja e detyrës së presientit, Vjosa Osmani të caktojë datën e zgjedhjeve të reja”, tha ky burim.
Ky vendim, vjen pas konsultave që Osmani kishte me përfaqësuesit e partive politike parlamentare.
Ndërkohë, shumica e partive politike e preferojnë si datë të zgjedhjeve të parakohshme 7 shkurtin.
Gjykata Kushtetuese kishte konstatuar se vota e deputetit Etem Arifaj ishte e pavlefshme, për faktin se ai ishte i dënuar me vendim të plotfuqishëm të Gjykatës, duke shpallur të zgjedhur në mënyrë jokushtetuese zgjedhjen e Qeverisë Hoti.
Kushtetuesja ndërkohë e ka udhëruar presidentin e vendit, që brenda 40 ditësh t’i shpallë zgjedhjet e parakohshme parlamentare.
