Ministri në detyrë për Evropën dhe Punët e Jashtme i Republikës së Shqipërisë, Gent Cakaj, sot përmes një postimi në rrjetin social Facebook ka njoftuar se ka dhënë dorëheqja nga posti i shefit të diplomacisë.
Cakaj deklaroi se e konsideron që kapitulli i shërbimit të tij në krye të diplomacisë shqiptare është i përfunduar.
Ndaj dorëheqjes së Cakajt, ka reaguar profesori universitar i Filozofisë, Blerim Latifi, i cili paralajmëroi rikthimin e Cakajt në skenen politik shumë shpejt. Profesori e krahasoi atë me Fan Noli, duke thënë se që nga koha e Nolit Shqipëria nuk ka pasur ministër të jashtëm me nivel intelektual më lartë se Gent Cakaj.
"Largimi i Gentit nga detyra e ministrit të jashtëm është vetëm një pauzë e shkurtër para fillimit të angazhimeve të tjera të mëdh që kombi ynë i pret prej tij dhe të tjerëve që mishërojnë realisht ëndrrën perëndimore të këtij kombi", tha Latifi, përcjell "Bota sot"
Postimi i plotë
Që nga koha e Nolit Shqipëria nuk ka pasur ministër të jashtëm me nivel intelektual më lartë se Gent Cakajn.Largimi i Gentit nga detyra e ministrit të jashtëm është vetëm një pauzë e shkurtër para fillimit të angazhimeve të tjera të mëdh që kombi ynë i pret prej tij dhe të tjerëve që mishërojnë realisht ëndrrën perëndimore të këtij kombi.Natyrisht, këto angazhime nuk nënkuptojnë përfshirjen në konjukturat e baltës politike e cila vazhdon ta bëj politikën aq të urryer nga shqiptarët.Andej dhe këndej kufirit.
