Partia Demokratike e Kosovës dhe Lidhja Demokratike e Kosovës, tashmë kanë zyrtarizuar kandidatët e tyre për kryeministër të Kosovës.
PDK-ja do të garojë në zgjedhjet që pritet të mbahen së shpejti me Enver Hoxhajn, ndërsa LDK-ja kandidat do të ketë Avdullah Hotin.
Në zgjedhjet e tetorit 2019, Hoti kishte fituar 26 mijë e 155 vota, derisa në vitin 2017 kur ishte kandidat për kryeministër, ai kishte arritur të sigurojë 115 mijë e 693 vota.
Ndërkaq, Hoxhaj, edhe pse ishte vendosur i katërti në listë, në zgjedhjet e 2019-tës, kishte marrë vetëm 11 mijë e 52 vota.
Së bashku, Hoti dhe Hoxhaj në zgjedhjet e kaluara fituan 37.675 vota.
Ata përball në këto zgjedhje pritet ta kenë liderin e Lëvizjes Vetëvendosje Albin Kurti. Ai në zgjedhjet e fundit ka fituar 185 mijë vota, duke u bërë politikani më i votuar në Kosovë.
Kurti në zgjedhjet që janë mbajtur në qershor të vitit 2017, i kishte marrë 142 mijë vota./BS
