Ushtruesja e detyrës së presidentit, Vjosa Osmani ka vizituar familjen e heroit, Agim Ramadani në fshatin Zhegër.
Këtë e ka bërë të ditur në një postim në rrjetin social ‘Facebook’.
Osmani ka thënë se aty ruhen të gjitha pikturat e tij.
‘Aty ruhen të gjitha pikturat e tij, por edhe guri i kufirit që kishin thyer Agim Ramadani me shokë’, ka thënë Osmani.
Më poshtë keni postimin e plotë:
E nderuar sonte të pritem në Zhegër te familja e heroit Agim Ramadani. Aty ruhen të gjitha pikturat e tij, por edhe guri i kufirit që kishin thyer Agim Ramadani me shokë. Një shembull i jashtëzakonshëm që dëshmon se ideali për vendin thyen çdo pengesë e sfidë, sado e vështirë që mund të duket. Guximi e dashuria për atdheun që treguan në kohët më të vështira Agim Ramadani bashkë me mijëra burra e gra të Kosovës le të jetë udhërrëfyes i yni i gjithhershëm.
