Ushtruesja e detyrës së presidentes, Vjosa Osmani, ka thënë se nuk është kontaktuar drejtpërdrejt nga Lutfi Haziri që ajo të mbetet në LDK, por kjo ka ndodhur sipas saj përmes njerëzve të tjerë.
“Nuk ka qenë një thirrje e drejtpërdrejtë siç po thua ti, ka halla e ka dajt pak (e ka sjellë), por jo kështu drejtpërdrejt”, ka thënë Osmani.
E pyetur për mundësinë që Haziri t’i bashkohet Iniciativës së saj, Osmani tha se kjo nuk ndodh.
“Jo për shkak se ka qenë shumë i qartë, që do të vazhdoj aty (LDK)”, tha Osmani. Osmani ndërkaq e ka lënë të hapur qëndrimin në LDK, siç ka thënë nëse largohet Kryesia, duhet aluduar në “Gardën e Vjetër”. “Nëse hiqet Kryesia e LDK-së. Le të largohen edhe ejani e flasim më pas. Nëse ndodh një ndryshim i tillë, por nuk ndodh, është situatë e pashpresë”, ka thënë Osmani.
