Kryetari i Hanit të Elezit, Rufki Suma, ka deklaruar se nuk do të inkuadrohet në asnjë parti politike.
Ai thotë se ka pasur oferta nga partitë politike, por nuk i ka pranuar.
“Qytetarët kërkojnë që unë të vazhdoj të udhëheq me Hanin e Elezit. Po të pyetesha unë, në vullnetit tim mandati i dytë ka qenë i tepërt. Në dy mandatet e para, kemi pasë oferta. Tash, pasi shumica e partive politike e ka parë që unë nuk inkuadrohem në asnjë parti politike, nuk bëjnë kërkesa siç kanë bërë më herët”, deklaroi të hënën.
Kryetari i pavarur që fiton vazhdimisht pa balotazh, deklaroi se është takuar gati me të gjithë liderët partiakë, por vendimi i tij është të mbetet i pavarur.
“Jam takuar gati me të gjithë dhe e kam shprehur qëndrimin tim që s’do të jem pjesë e asnjë partie politike. Nëse do të mbetem në politike do të mbes veç i pavarur sepse qytetarët të besojnë më tepër”, tha ai.
