Ushtruesja e detyrës së presidentes, Vjosa Osmani ka shpërndarë Legjislaturën e shtatë të Kuvendit të Kosovës dhe i ka caktuar zgjedhjet parlamentare të parakohshme për 14 shkurt.
Nënkryetarja e Kuvendit nga radhët e Lëvizjes Vetëvendosje, Arbërie Nagavci, ka thënë që “lufta ndaj së keqes do të fitohet lehtë e as që kemi pritur që me vullnet do të heqin dorë nga pushteti e institucionet e kapura”.
“Ne në sfida jemi rritur, në përballje kemi fituar e në çdo pengesë jemi forcuar. Asnjëherë s’jemi dorëzuar.
Me 14 shkurt, VETËVENDOSIM me referendum, me dashni për vendin.#QeveriaKurti2”, ka shkruar Nagavci në Facebook.
