Zyrtari i Lidhjes Demokratike të Kosovës, Bajram Gecaj, përmes një postimi në rrjetin social Facebook ka ironizuar me komentet e kryetarit të Podujevës, Shpejtim Bulliqi.
Gecaj kërkoi nga Bulliqi të i tregoj bashkë-partiakëve, të partisë së tij të tretë apo të katërt, se vota e tyre për Albin Kurtin është votë e humbur. Ai bëri apel të votohet Hoti në zgjedhjet e parakohshme.
"Mos e qoni votën kot, por zgjidhni Avdullah Hotin, njeriun i cili ligjin e ka edhe bibël edhe kuran!", deklaroi Gecaj, përcjell "Bota sot"
Postim i plotë
Paramendojeni ju, në vend se të merret me realizimin e “zotimeve” të tij në Komunën e Podujevës, ky far Bulliqi po gjen kohë edhe me komente me u marrë në publikimet e portaleve. Nejse, si gjithherë, paska folur pa lidhje. Më mirë do të ishte me u tregu bashkë-partiakëve, të partisë së tij të tretë apo të katërt, se vota e tyre për Albin Kurtin është votë e humbur, pasi që LIGJI nuk lejon shkelësin e LIGJIT të kandidoj as për deputet e as për kryeministër. Mos e qoni votën kot, por zgjidhni Avdullah Hotin, njeriun i cili LIGJIN e ka edhe bibël edhe kuran!
