Arbër Gashi, analist i çështjeve politike, ka thënë se Këshilli i Përgjithshëm i Lidhjes Demokratike të Kosovës, duhet ta shqyrtojë mundësinë e ndryshimit të strategjisë së ballafaqimit me kërkesat e opinionit publik.
Ai ka thënë se injorimi i rrjeteve sociale është hapi i parë drejt humbjes së mbështetjes në elektorat.
Gashi ka kërkuar nga qytetarët që të mos votojnë për kandidatin që shfaq deficite të mëdha në përdorimin e rrjeteve sociale, përcjell Bota sot.
Postimi i Gashit në Facebook:
Është koha që Këshilli i Përgjithshëm i LDK-së ta marrë në shqyrtim mundësinë e ndryshimit të strategjisë së ballafaqimit me kërkesat e opinionit publik, sepse injorimi i rrjeteve sociale është hapi i parë drejt humbjes së mbështetjes në elektorat.
Zgjedhjet e 2019 janë shembull dhe dëshmi e mjaftueshme për ata e ato që duan të mësojnë, sepse këtu, në rrjetet sociale, deshëm apo jo, shpërfaqet kompetenca profesionale e secilit prej kandidatëve.
Për elektoratin kam vetëm një kërkesë; mos i jepni vota atij kandidati që shfaq deficite të mëdha në përdorimin e rrjeteve sociale.
