Kryetari i Aleancës për Ardhmërinë e Kosovës Ramush Haradinaj, i ndan medalje Ramdan Gashit për kontributin e tij, duke shtuar se Aleanca asnjëherë nuk shkëputi lidhjet me diasporën, njerëzit që i mbetën besnik Kosovës në periudha të ndryshme të historisë.
Njoftimi i plotë:
Me mikun dhe bashkudhëtarin tim politik, Ramadan Gashin, që jeton në mërgim. Ramadani konfirmoi besnikërinë e tij për mua dhe shtëpinë tonë të përbashkët Aleancën për Ardhmërinë e Kosovës.
Angazhimi i tij dhe shumë mërgimtarëve për AAK-në tash e dy dekada, është për t’u admiruar. Ata asnjëherë nuk humbën lidhjet me rrënjët e tyre në Kosovë, e as vlerësimin për njerëzit në të cilët besojnë fuqishëm.
Me këtë rast i kam ndarë medaljen “ME BESIM NË ZOT, ATDHE E SHTET” për kontributin e tij për Aleancën për Ardhmërinë e Kosovës.
Aleanca asnjëherë nuk shkëputi lidhjet me diasporën, njerëzit që i mbetën besnik Kosovës në periudha të ndryshme të historisë.
RH
