Fjala “Rimëkëmbje” do të jetë pjesë e sloganit të Partisë Demokratike të Kosovës, lidhur me këtë ka reagur Profesori Blerim Latifi, i cili përmes një postimi në Facebook ka thënë se ky slogan konceptualisht duket i mirë, por në thelb është slogan teknik.
Ai ka thënë se sloganet efektive janë me vargje poetike, përcjell “Bota sot”.
Tutje ka shtuar se masat mobilizohen me poezi politike, por jo me fraza burokratike.
Postimi i plotë:
PDK paska zgjedhur për slogan të saj fjalën "Rimëkëmbje". Ky slogan konceptualisht duket i mirë, por në thelb është slogan teknik. Dihet se sloganet efektive janë vargje poetike, sepse masat mobilizohen me poezi politike, e jo me fraza burokratike dhe abstrakte.
