Këshilltari i u.d të presidentes, Vjosa Osmani, Faton Peci, ka folur për bashkëpunimin mes iniciativës së Osmanit me Lëvizjen Vetëvendosje për zgjedhjet e 14 shkurtit.
Ai ka thënë se edhe po të shkonte e vetme në zgjedhje, iniciativa “Guxo” e Osmanit do të kalonte padyshim pragun zgjedhor.
“Kalimi i pragut për ne nuk ka qenë problem, ne kemi llogaritur deri në 8% dhe këtë po ua them që të jem korrekt me ju dhe opinionin.
Por, sipas ekspertëve që kanë qenë të angazhuar kanë vlerësuar se binomi Osmani – Kurti e rritë edhe më shumë entuziazmin për ndryshim. Ky binom ne po e konsiderojmë se është zgjidhja më e mirë për qytetarët dhe Kosovën”, ka thënë Peci.
