Analisti Jusuf Thaci ka thënë se LDK nuk duhet të dalë e të premtojë gjëra në emisione politike duke thënë se vendosim ne e të bëjnë vendime që ua dikton një palë e tretë.
Thaci po ndërlidhej me fjalët e zëvendëskryeministrit Driton Selmanaj i cili tha se gjithmonë vendimet i marrin në konsultime me partnerët.
“LDK nuk duhet të dalë të premtojë gjëra, do ta bëjmë këtë e atë. Ata duhet të dalin dhe të thonë se nuk marrim ne vendime vetëm bëjmë cfarë na kërkohet. Pse LDK nuk e thjeshton muhabetin dhe t’i thotë elektortit dëgjoni. Ne nuik premtojmë asgjë por vetëm premtojmë se do të bëjmë cfarë na kërkon. Në fushatë e keni thënë se do ta hiqni taksën dhe do ta bëni reciprocitetin. Keni qenë kudnërshtarët më të ashpër ndaj mini-shengenit. Keni nënshkruar memorandum ku pezulloni anëtarësimin në organizata ndërkombëtare. Pse nuk ju thoni njerëzve se nuk premtojmë asgjë”, tha ai në T7.
Ndërkohë Selmanaj iu kundërpërgjigj duke i thënë se ai nuk është analist.
“Njerëzit duhet ta dinë se përballë nuk kam një analist por një ish-zëvendësministër të VV’së. Po bisedojmë në nivel politik dhe jo si analist. Këto i shtiru i blerë nuk i them unë. Le ta dinë se nuk po flas me një të pavarur. Minishengeni, reciprociteti e të tjera nuk janë zhvillime brenda Kosovës. Por janë zhvillime rajonale. Po e them këtu e LDK le të thotë çfarëdo pastaj. Të gjitha këto nuk i bëjmë vetë. Por në partneritet të plotë me aleatët. Të tjerat, si arsimi ekonomia e të tjera ju mbajmë diskurs tërë ditën. Por për të tjerat, kushdo thotë ndryshe mund vetëm të jetë mbipopulist”, tha Selmanaj.
