Aleanca për Ardhmërinë e Kosovës, gjatë ditës së sotme, ka dorëzuar ankesë në Panelin Zgjedhor për Ankesa dhe Parashtresa (PZAP).
Kjo pasi Komisioni Qendror i Zgjedhjeve (KQZ) nuk e ka certifikuar këtë subjekt dhe listën e kandidatëve për zgjedhjet e 14 shkurtit, pasi paraprakisht AAK-ja nuk kishte zëvendësuar emrat e kandidatëve që janë dënuar me vendim të formës së prerë në tre vjetët e fundit.
Këtë e ka konfirmuar Kushtrim Xhemaili nga Zyra për Informim e AAK-së.
“Mund të konfirmoj që zyrtari ynë, i cili është përgjegjës për çështje zgjedhore, sot pasdite e ka deponuar ankesën në PZAP”.
Komisioni Qendror i Zgjedhjeve (KQZ), në mbledhjen e mbajtur dje, nuk i ka certifikuar listat e kandidatëve për deputetë të Lëvizjes Vetëvendosje, AAK-së, dhe Nismës për zgjedhjet parlamentare të 14 shkurtit.
