Pas deklaratës së djeshme të u.d së presidentes së Kosovës, Vjosa Osmani ka reaguar edhe Blerta Deliu nga Partia Demokratike e Kosovës.
Deliu tha se Vjosa Osmani e ndërtoi karrierën e saj politike nën viktimizimin se si grua në politikë, po goditej nga të gjitha anët.
“Gjatë aktivitetit të saj politik, ajo e ka pasur gojën plot ‘fuqizim të grave’.Por dje, ajo nuk mundi ta mbante nën kontroll më hipokrizinë e saj duke qenë se tash është militante e Albin Kurtit dhe harroi për një moment gjithë vijën mbi të cilën është fuqizuar si politikane”, tha Deliu.
Tutje ajo shtoi se shantazhi i saj ndaj një gruaje të një institucioni të pavarur, pra ndaj Valdete Dakës, është një dekurajim për qindra-mijëra gra, që po tregojnë kurajon për angazhim, pjesëmarrje e aktivizëm.
