Aktivisti i shoqërisë civile, Rron Gjinovci, përmes një shkrimi në Facebook, ka zbuluar emrin ideal për postin e presidentit dhe se kush duhet t’i prij listës së VV-së.
Sipas Gjinovcit, Lëvizja Vetëvendosje ka mundësinë ta bëjë historinë duke e vendosur si të parën në listën e saj, Vasfije Krasniqin.
Ai thotë se Krasniqi duhet të jetë në krye të listës dhe presidente e Kosovës, ndërsa shpjegon se si mund të ishte jehona në botë lidhur me këtë çështje.
Ja shkrimi i tij:
Sikur t'na printe Vasfija
Vetëvendosja e ka një shans me bo historinë: me e qitë numër 1 Vasfije Krasniqin.
Imagjinoni më 15 shkurt, mediat ndërkombëtare raportojnë "NË KOSOVË FITON PARTIA TË CILËS I PRINË NJË AKTIVISTE QË ISHTE PËRDHUNUAR NGA POLICIA SERBE GJATË VITIT 1999" ose "NJERIU MË I VOTUAR NË KOSOVË DEL GRUAJA QË FOLI PUBLIKISHT PËR PËRDHUNIMIN NGA FORCAT SERBE NË VITIN 1999".
Karrshi Gjykatës Speciale bota do ta dëgjonte edhe njiherë të vërtetën e Kosovës.
Hapi tjetër: me e bo Presidente. Imagjinoni sërish, kur në takimin e Presidentëve të Ballkanit Perëndimor në Berlin a Paris, Vuçiç kish me qëndru përballë t'vërtetës së vet, krimeve të ushtrisë e policisë serbe në Kosovë. Ose s'kish me shku hiç e mediet ndërkombëtare vazhdimisht kishin me raportu arsyen.
Historia jonë e shtypjes kish me u njoft në botën mbarë dhe na mo nuk kishim me u brengosë për imazhin tonë e të vendit tonë, të historisë sonë të dhimbshme të viteve 1990-a.
Vetëvendosja e ka nji shans me bo historinë.
