Kryetari i AKR-së, Behgjet Pacolli, ka zhvilluar një takim me përfaqësuesit e Hotelerisë së Kosovës.
Pacolli tha se ky sektor ka patur goditje të madhe për shkak të Pandemisë dhe padijes së shtetit në hartimin e politikave të duhura për mbrojtjen e tyre.
“AKR e ka tashmë programin që ofron në detaje një rrugëzgjidhje për bizneset – si për kompensimin e tyre, ashtu edhe për zhvillimin e mëtutjeshëm” shkruan Pacolli në Facebook.
Postimi i plotë:
Bashkë me kandidatët për deputetë të AKR-së kemi zhvilluar një takim të vyer me përfaqësuesit e Odës së Hotelerisë së Kosovës.
Sektori i Hotelerisë ka pësuar dëme të mëdha vitin e fundit për shkak të pandemisë dhe mosdijes së pushtetit për të hartuar politika të duhura për mbrojtjen e tyre.
AKR e ka tashmë programin që ofron në detaje një rrugëzgjidhje për bizneset kosovare – si për kompensimin e tyre, ashtu edhe për zhvillimin e mëtutjeshëm.
