Lëvizja Vetëvendosje, në një video të publikuar në faqen e tyre zyrtare në Facebook, ka shfaqur pamje nga vizita e djeshme e Kurti, Osmanit dhe kandidatëve të tjerë, në Veriun e Kosovës.
Në postimin e tyre, ata kanë thumbuar ish presidentin Thaçi, duke shkruar se aty janë në në pjesën e Kosovës që i ka takuar përherë asaj e që nuk i është dhënë asnjëherë si dhuratë.
Ish presidenti Thaçi pati dhënë se ato fshatra andej, janë dhuratë e Rankoviqit.
Tutje, VV-ja thotë se klasa e vjetër politike kishte dështuar në menaxhimin e asaj pjese.
Postimi i plotë:
Në Kodrën e Minatorëve, në pjesën e Kosovës që ka qenë përherë e jona e nuk na është dhënë si dhuratë, kryeministri i ardhshëm, i shoqëruar nga presidentja në detyrë, Vjosa Osmani, kryetari i Mitrovicës, Agim Bahtiri dhe kandidatët për deputetë, Edi Pruthi, Armend Muja, Arjeta Fejza, Jeta Statovci, Faton Peci, e Rozeta Hajdari, theksoi se qeverisja e ardhshme do të angazhohet që të respektohet e drejta e pronës, e të restaurohen shtëpitë e dëmtuara, për shkak se askush nuk e ka lëshuar atë pjesë nga qejfi apo luksi por nga trysnia e dhuna së cilave klasa e vjetër politike pat dështuar t’iu përgjigjet.
