"Ne po e shohim se pas ndërrimit të Administratës Trump, edhe Biden e përshëndeti një marrëveshje të tillë".
Historiani Muhamet Malaj ka thënë se zyrtarizimi i marrëdhënieve diplomatike me Izraelin është një hap shumë i rëndësishëm për diplomacinë dhe shtetin e Kosovës.
Ai ka shtuar se kjo marrëveshje është produkt i një mentorimi të Shteteve të Bashkuara të Amerikës.
“Zyrtarizimi i njohjes është një hap i mëtutjeshëm në forcimin e shtetësisë së Kosovës. Ky moment i sotshëm përbën një rast historik, aq më tepër duke marrë parasysh se shteti i Izraelit është një shtet me ndikim të madh në botën e diplomacisë”.
“Ata që mendojnë se lindin probleme për shkak të vendosjes së Ambasadës së Kosovës në Jerusalem, mendoj se ky veprim nuk është bërë krye në vete në Kosovë”.
“Ne po e shohim se pas ndërrimit të Administratës Trump, edhe Biden e përshëndeti një marrëveshje të tillë”.
“Nuk është vetëm një marrëveshje e thjeshtë mes dy shteteve, por është një marrëveshje nën mbikëqyrjen e Shteteve të Bashkuara të Amerikës”.
“Çështja e raporteve mes Izraelit dhe Kosovës është një çështje që i kalon kufijtë mes këtyre dy shteteve”.
