Kandidati për kryeministër nga Vetëvendosje, Albin Kurti ka premtuar se pushimi i lehonisë do të bëhet 12 muaj, por nuk ka treguar se si do të bëhet kompensimi i ndërmarrjeve.
Ai tha se pushimi duhet të ndahet mes dy prindërve.
“Duhet ta ndajnë të dy prindërit pushimin e lehonisë dhe barrën do ta ndajnë shteti me ndërmarrjet përkatëse”, tha ai.
Kurti ka thënë nuk e din akoma se si do kompensohen ndërmarrjet nëse vendoset që pushimi i lehonisë të jetë 12 muaj.
“Ne këtë nuk e kemi vendosur ende sepse na duhet një dialog me sindikatat dhe ndërmarrjet”, u shpreh ai.
Kurti këtë premtim e bëri gjatë hapjes së fushatës zgjedhore për zgjedhjet e 14 shkurtit.
