(E plotësuar 09:46) - Kandidati i Partisë Demokratike të Kosovë për kryeministër të vendit, Enver Hoxhaj pasi ka shfrytëzuar të drejtën e tij kushtetuese për votim në zgjedhjet e parakohshme parlamentare, tha se vendimi që do të marrin sot qytetarët përmes votimit është vendimi më i rëndësishëm.
Hoxhaj: Sot është dita kur flasin qytetaret e jo ne politikanët
“Sot është dita kur flasin qytetaret e jo ne politikanët, është ditë kur flasin qytetarët e Kosovës dhe ne mendojmë që qytetarët e Kosovës sot janë para dy opsioneve, para opsionit të rimëkëmbjes ekonomike të stabilitetit politik dhe të integrimit ndërkombëtar apo para opsionit tw mjegullës dhe të izolimit ndërkombëtar. Prandaj unë pres vendimin që do të marrin qytetarët dhe verdiktin që do ta japin sot gjatë ditës është verdikti më i rëndësishëm”, tha Hoxhaj.
Enver Hoxhaj ka votuar në objektin e Fakultetit të Filologjisë, bashkë me bashkëshorten e tij.
***
Kandidati për kryeministër nga radhët e PDK-së, Enver Hoxhaj ka thyer rregullat e heshtjes zgjedhore.
Ai pasi votoi, në konferencën për media, u bëri thirrje qytetarëve që të dalin në votime dhe ta votojnë rimëkëmbjen.
Këtë e konfirmoi edhe anëtari i Komisionit të Pavarur të Mediave, Luan Latifi.
Më poshtë edhe deklarata e Hoxhajt.
“Sot është dita kur flasin qytetarët jo ne politikanët. Sot qytetarët janë para dy opsioneve të Rimëkëmbjes ekonomike dhe para atij të mjegullës dhe izolimit” tha ndër të tjera Hoxhaj.
Voton Enver Hoxhaj
Kandidati i PDK-së për kryeministër, Enver Hoxhaj ka votuar sot.
Hoxhaj së bashku me bashkëshorten dhe djalin kanë votuar në fakultetin e Filologjisë.
Hoxhaj është kandidati i parë për kryeministër që ka votuar.
Ndryshe, qendrat e votimit janë hapur në orën 7:00.
