(E plotësuar 21:15) - Vetëvendosje e kall edhe në Drenas, ja pamjet
Lëvizja Vetëvendosje ka nisur festën edhe në Komunën e Drenasit.
Mbështetës të shumtë të LVV-së kanë ndezur qiellin e Drenasit, me fishekzjarre, raporton “Bota sot”.
Një lexues ka dërguar edhe pamjet nga festa atje.
VV-ja momentalisht po prin me 45.52 për qind të votave, nga rezultatet e publikuara nga Komisionin Qendror i Zgjedhjeve.
**
Lëvizja Vetëvendosje e ka nisur festën edhe në Gjilan.
Por, se në këtë komunë anëtarët dhe simpatizantët e kësaj partie në këtë qytet e kanë zgjedhur një formë tjetër të festimit.
Këtu festa ka nisur me surle dhe tupana.
Sipas informacioneve, festa zyrtare do të nis në orën 22:00, ku do të ketë edhe numër më të madhe të njerëzve që do të i bashkohen festës.
***
Lëvizja Vetëvendosje pas Prishtinës e ka nisur edhe festën edhe në Pejë.
Media ju sjell pamje nga festa e Vetëvendosjes.
Tani ka përfunduar edhe procesi zgjedhor për zgjedhjet e jastëzakonshme parlamentare të 14 shkurtit.
Nga Lëvizja Vetëvendosje në Pejë kanë deklaruar se kanë shënuar fitore në këtë komunë mbi 51 përqind.
“Zgjedhjet në komunën e Pejës kanë përfunduar pa asnjë incident. Në fillim kemi pasur pengesa për shkak të rrugëve, sepse qeverisja lokale dhe ajo qendrore ka shfaqur pengesa. Nga të dhënat që i kemi ne në Pejë jemi mbi 51 përqind. Êshtë hera e parë dhe vendimtare”.
***
Pas publikimit të rezultateve të exit poll-eve, afër selisë qendrore të Vetëvendosjes në Prishtinë kanë filluar festa.
Në video shihet hedhja e fishekzjarreve në afërsi të selisë së saj.
Në shumicën e sondazheve të zhvilluara, Vetëvendosja është vënë e para për mbi 50 për qind.
Të përfshira në këta exit poll-a nuk kanë përfshirë votat nga diaspora.
