Kandidatja për presidente, Vjosa Osmani dhe kandidati për kryeministër nga Vetëvendosje, Albin Kurti kanë dalë në një konferencë për media.
Ata kanë falenderuar popullin për votat e fitores ndërsa kanë thënë se puna do të nisë shumë shpejt.
Mirëpo në këtë konferencë Osmani u pyet se si I sheh rezultatet preliminare për partinë në të cilen ka qenë pjesë më parë.
Osmani u përgjigjë duke thënë që shpreson që ky rezultat të jetë mësim për LDK-në dhe partitë e tjera që fjala e dhënë për qytetarët nuk duhet shkelur por ruhet, shkruan "Bota sot".
“Shpresoj shumë që ky rezultat të jetë mësim për Lidhjen Demokratike të Kosovës dhe për partitë e tjera të cilat kanë marrë rezultatin më të ulët në historinë e tyre, që fjala e dhënë para qytetarëve nuk duhet të shkelet por duhet të ruhet si e shenjtë”, u shpreh Osmani./BS
