Bartësi i listës së AAK-së dhe kandidati për president nga kjo parti, Ramush Haradinaj, ka marrë më së shumti vota (682) në Junikun që udhëhiqet nga partia e tij.
Me 305 vota më pak e dyta në këtë komunë është radhitur numri dy në listën e Vetëvendosjes dhe njëherit kandidate për presidente, Vjosa Osmani, me 377 vota.
Avdullah Hoti, kandidati i LDK-së për kryeministër, në Junik ka marrë 157 vota.
Homologu i tij nga PDK-ja, Enver Hoxhaj, ka marrë 96 vota. Fatmir Limaj i Nismës Socialdemokrate në këtë komunë ka marrë veç 37 vota.
Juniku ka gjithsej 5108 persona me të drejtë vote, të shpërndarë në gjashtë vendvotime, derisa këtë të drejtë e kanë shfrytëzuar 1864 prej tyre.
