Ehat Miftaraj nga Instituti i Kosovës për Drejtësi, ka uruar 106 deputetët e rinj të Kuvendit të Kosovës pa aktakuza.
Ai ka thënë se ka mungesë respekti për 14 deputetët me aktakuza, që pranojnë të japin betimin si përfaqësues të popullit, përcjell Bota sot.
Postimi i Miftarajt në Facebook:
Respekt, urime dhe punë të mbarë 106 deputetëve të rinj të Republikës së Kosovës pa aktakuza.
Mungesë respekti dhe marre për 14 deputetët me aktakuza që pranojnë të jenë pjesë e listave për kandidatë, por edhe të japin betimin si përfaqësues të popullit. I njëjti urim shkon edhe për partitë politike që kane propozuar persona me aktakuza.
