Anëtari i Lëvizjes Vetëvendosje Liri Loshi, ka reaguar pasi dikush në Lidhjen Demokratike të Kosovës, e ka krahasuar kandidatin për kryetar Lumir Abdixhikun me liderin e VV-së Albin Kurtin.
Loshi ka thënë se në LDK deri tani e kanë luftuar me çdo kusht Kurtin origjininal, ndërsa tash sipas tij, po iu duhet një kopje e tij, përcjell Bota sot.
Ai ka ironizuar, duke thënë se nëse iu duhet, VV-ja mund t’ia jep LDK-së edhe Xhelal Sveçlën, Haki Abazin apo Sami Kurteshin.
Postimi i Loshit në Facebook:
Paskan thënë këta të LDK-së se Lumiri është Albini ynë. Shih ti, deri tash e kanë luftuar me çdo kusht Albinin origjinal. Tash po u bëka punë edhe një kopje e Albinit.
Valla hallall ju qoftë se plot ide jeni. Kund fjala vend nuk iu zë. Qyre ti, Lumiri si Albini! E si Xhelalin kend e keni? Po si Hakiun a keni ndonjë? Nëse ju bën punë ua japim Samiun. A doni më?!
