Zyrtari i Lëvizjes Vetëvendosjes dhe njëherit deputeti i ardhshëm, Avni Zogiani, ka reaguar lidhur me deklaratat e kryetarit të ri të Lidhjes Demokratike të Kosovës, Lumir Abdixhiku.
Abdixhiku në Kuvendin e LDK-së, ku edhe u zgjodh kryetar i këtij subjekti, paralajmëroi se e majta është e rrezikshme.
E, lidhur me këto deklarata, Zogiani i ka bërë me dije kreut të LDK-së që kur flet të mendojë dy herë.
Ja shkrimi i tij:
Lumir shoku, nëse e majta është e rrezikshme, gjysma e Evropës qenka në rrezik!
Mandej, besoj e din ti që pikërisht e djathta po e rrezikon Evropën si union! Mirëpo, ne nuk themi se e djathta si e tille është e rrezikshme!
Mos u nis prej interpretimeve propaganduese të argatëve të korrupsionit kur mendon mer këto çështje... mendo dy herë para se më e than!
