Deputeti i Lidhjes Demokratike të Kosovës, Driton Selmanaj, ka reaguar pas formimit të Qeverisë së re të Kosovës.
Selmanaj u shpreh i bindur që shumë shpejtë LDK do të kthehet aty ku e ka vendin, si partia kryesore në vend.
“Edhe pse partia jonë Lidhja Demokratike e Kosovës nuk po kalon ditët më të mira të saj, jam i bindur që shumë shpejtë do të kthehet aty ku e ka vendin, si partia kryesore në vend.
LDK ka qenë, është dhe do të mbetet boshti kryesor i shtetësisë së Kosovës”, shkroi Selmanaj, përcjell “Bota sot”.
Postimi i plotë
Të dashur qytetarë,
Të dashur anëtarë dhe aktivistë të Lidhjes Demokratike të Kosovës.
Me mbështetjen dhe besimin tuaj unë për të tretën herë radhazi sot kam dhënë betimin për të ushtruar funksionin e përfaqësuesit tuaj në Kuvendin e Republikës së Kosovës.
E ndjej përgjegjësi të lartë politike, morale dhe kombëtare që t’ju shërbej me përkushtim, vendosmëri dhe devotshmëri të madhe.
Edhe pse partia jonë Lidhja Demokratike e Kosovës nuk po kalon ditët më të mira të saj, jam i bindur që shumë shpejtë do të kthehet aty ku e ka vendin, si partia kryesore në vend.
LDK ka qenë, është dhe do të mbetet boshti kryesor i shtetësisë së Kosovës.
Zoti ju bekoftë!
Zoti e bekoftë popullin shqiptarë!
Zoti e bekoftë shtetin e Kosovës, Dardanin tonë antike!
#LDK
