Kryetari i ri i Lidhjes Demokratike e Kosovës (LDK), Lumir Abdixhiku, përveç reformave në Kryesi, ka bërë disa ndryshime në dukjen e zyrës së tij.
Lideri i ri i partisë më të vjetër në vend ka vendosur që në zyre ta ketë edhe portretin e presidentit historik, Ibrahim Rugova, njëherit themeluesi të LDK-së.
Ky ndryshim është parë në takimin që kreu i LDK-së pati me Ambasadorin e Shteteve të Bashkuara të Amerikës, Philip Kosnett, shkruan “Bota sot”.
Mirëpo, kështu nuk ka qenë edhe në të kaluarën.
Sa ishte Isa Mustafa në krye të LDK-së, portreti i presidentit Rugova nuk ka qenë në ballinën e kësaj zyre.
E, ky veprim i Abdixhikut vije pasi, me të marrë postin e të parit të LDK-së, u hodhën kritika në drejtim të tij se kryetari i ri po e largon partinë nga presidenti historik.
