Kryetari i Gjilanit edhe nënkryetari i parë në LDK, Lutfi Haziri tha se nuk frikësohet të kandidojë përsëri për kryetar të Gjilanit.
Ai tha se veç “i përvjeli mangët e largoi kravatën”, dhe ia mësyn garës.
“Veç i përvjeli mangët e largoi kravatën edhe dalë në teren, nuk i frikësohem garës, edhe sifadeve, unë kam marrë Gjilanin në kohën më të vështirë”, tha Haziri.
Lutfi Haziri është zgjedhur nënkryetar i parë i LDK’së në zgjedhjet e fundit të brendshme.
Ai është kryetar aktual i Gjilanit. Zgjedhjet lokale do të mbahen gjatë muajve të fundit të këtij viti në të gjitha komunat.
