Deputetja Vjosa Osmani përmes një shkrimi ka kujtuar sakrificën e Epopesë së Dukagjinit.
Ajo tha se, ne jemi të lirë me kontributin, sakrificën dhe atdhedashurinë e këtyre heronjve, të cilët tashmë janë shndërruar me meritë në referencë të lirisë sonë, të shtetit tonë
Postimi në Facebook:
Në 23-vjetorin e Epopesë së Dukagjinit, Gllogjani qëndron stoik bashkë me historinë e lavdishme të tij dhe familjes Haradinaj.
Qëndresa dhe sakrifica e tyre siguroi vazhdimësinë e luftës për lirinë e Kosovës. Prej aty u dha kushtrimi se liria çmim nuk ka dhe gjithçka duhet të sakrifikohet për të. Ndaj sot, ne jemi të lirë me kontributin, sakrificën dhe atdhedashurinë e këtyre heronjve, të cilët tashmë janë shndërruar me meritë në referencë të lirisë sonë, të shtetit tonë!
Në ditët si kjo nuk ka si të mos kujtohet trimëria e sakrifica e atyre luftëtarëve që patën guximin t`i dalin në ballë regjimit gjenocidal serb, duke ndërtuar përjetësinë për veten dhe për shtetin!
Qoftë i paharruar kujtimi për heronjtë që bën të mundshme lirinë tonë!
