Kryeministri Albin Kurti priti sot në një takim shefin e misionit të OSBE-së në Kosovë, ambasadorin Michael Davenport dhe shefin për Çështje Politike dhe Komunikim të Misionit të OSBE-së, Jeff Bieley.
Ambasadori Davenport tha se OSBE-ja është e gatshme të vazhdojë të ofrojë mbështetjen dhe ekspertizën e saj për Qeverinë e re në përputhje me nevojat e saj dhe fushëveprimin e OSBE-së.
Ndërsa, kryeministri Kurti veçoi kontributin që OSBE mund të ofrojë në dialogun e brendshëm me komunitetet jo shumicë në Kosovë.
Poashtu ai veçoi mbarëvajtjen e procesit zgjedhor që të mos ketë më devijime e manipulime në përfaqësimin e komuniteteve jo shumicë në Kuvendin e Kosovës.
