Zëvendëskryeministri i parë i Republikës së Kosovës, Besnik Bislimi, priti sot në takim ambasadorin e Norvegjisë në Kosovë, Jens Erik Grøndahl.
Duke e uruar për detyrën e re, Grøndahl i shprehu gatishmërinë Bislimit për të vazhduar bashkëpunimin dhe për të ofruar përkrahje në tri fushat e fokusit të zyrës së Zëvendëskryeministrit të parë gjatë këtij mandati qeverisës, specifikisht: integrimin evropian, zhvillimin dhe dialogun.
Bislimi e falënderoi atë për vizitën dhe theksoi se qeveria e re është e hapur për bashkëpunim dhe ndihmë nga të gjithë partnerët e saj, ashtu si është Norvegjia.
Në fund të takimit, të dy falënderuan njëri tjetrin për gatishmërinë, duke u pajtuar që të vazhdojnë komunikimin e ndërsjellë.
