Partia Demokratike e Kosovës, nuk ka vota për Vjosa Osmanin presidente.
Kështu ka thënë u.D i kryetarit të PDK-së, Enver Hoxhaj në një konferencë për shtypi.
Ai ka thënë se Vjosa Osmani është figurë përçarëse dhe se funksionon nën diktatin e Albin Kurtit.
Hoxhaj ka thënë se Osmani nuk është konsesnusale, në vazhdimësi në karrierën e saj politike ka vepruar në bazë të interesave personale.
Tutje ka thënë se figura e saj nuk është unifikuese dhe si subjekt më i madhi opozitar kërkojnë një kandidat konsensual.
Por, pas kësaj deklarate ka reaguar analisti politik Imer Mushkolaj.
Mushkolaj ka ironizuar duke thënë se nuk ka faj Enveri, dhe se i kujtohet figura unifikuese e Hashim Thaçit.
“S'ka faj Enveri. Hala m'kujtohet Hashim Thaçi çfarë figure unifikuese ka qenë”, ka shkruar Musholaj në Facebook.
