Grupi Parlamentar i Partisë Demokratike të Kosovës ka emëruar sot me vendim unanim kryetarin e Grupit Parlamentar, deputetin Abelard Tahiri.
Në këtë mbledhje të udhëhequr nga kryetari i PDK-së, Enver Hoxhaj është diskutuar edhe për ndarjen e përgjegjësive të deputetëve të kësaj partie politike, në legjislaturën e tetë.
“Pas diskutimeve të deputetëve, u caktuan edhe udhëheqësit e Komisioneve Parlamentare me të cilat do të kryesojë Partia Demokratike e Kosovës si dhe u dhanë propozimet për zëvendës kryetarët dhe anëtarët e Komisioneve Parlamentare”, thuhet në njoftimin e PDK-së.
Gjithashtu u theksua se në këtë legjislaturë, PDK si partia e dytë më 19 deputetë ka nënkryetarin e Kuvendit, deputetin Bedri Hamza si dhe udhëheqë me dy Komisione Parlamentare.
