Ministri i Punëve të Brendshme, Xhelal Sfeçla ka njoftuar se zyrtari policor, Fatmir Krasniqi, sot ka ka ndërruar jetë pas infektimit nga Covid-19.
"Fatmiri, ishte polic që i shërbeu vendit nga prilli i vitit 2000, e padyshim që ishte në vijën e parë të frontit që nga shfaqja e pandemisë. Pavarësisht përpjekjeve të ekipeve mjekësore që ta mbajnë në jetë, kjo nuk ishte e mundur.
Shpreh ngushëllimet e mia të sinqerta për familjen dhe të afërmit e të ndjerit, si dhe të gjithë zyrtarëve policor për humbjen e kolegut të tyre.
Deri sot , 18 policë kanë humbur jetën nga Covid-19. Do të punojmë intensivisht që sa më parë të sigurohemi që zyrtarët tanë policor të jenë të sigurtë në krye të detyrës.", ka shkruar ministri në Facebook.
