Deputetja dhe kandidatja për presidente Vjosa Osmani ka kujtuar 22 vjetorin e masakrës së Lybeniqit.
Ajo ka thënë se, kjo shpërfaqë përmasat e krimit monstruoz të kryer nga pushteti gjenocidal i Serbisë.
Sipas saj, derisa ende na duhet t`i trajtojmë plagët dhe vuajtjet e luftës, zor të mendohet paqja pa drejtësi.
Postimi në Facebook:
Drejtësi për Muhametin 18 muajsh
Në Lybeniq, numri prej 80 civilëve të masakruar, shpërfaqë përmasat e krimit monstruoz të kryer nga pushteti gjenocidal i Serbisë, 22 vjet më parë. Aty nuk u kursyen as fëmijët e vegjël, siç ishte Muhameti 18 muajsh e Leonardi 7 vjeqar.
Kriminelët bënë gjënë e njëjtë sikurse në masakrat e tjera, ekzekutuan mizorisht civilët e pafajshëm duke treguar qartë qëllimin e tyre për shfarosje.
Derisa ende na duhet t`i trajtojmë plagët dhe vuajtjet e luftës, zor të mendohet paqja pa drejtësi. Sepse zemrat e familjarëve të 80 civilëve do të gjejnë paqe vetëm kur kryesit të përgjigjen para drejtësisë!
Qoftë i përhershëm kujtimi për 80 të vrarët në Masakrën e Lybeniqit!
