Avokati Arianit Koci, ka reaguar pas vaksinimit të politikanëve.
Ishe kryeministri Albin Kurti që i pari e mori vaksinën, e këtë tha se e bëri që të sensibilizojë qytetarët që ta marrin atë.
Kjo sipas Kocit mund të arsyetohet, përcjell Bota sot.
Mirëpo, sot është vaksinuar kryetari i Gjilanit, Lutfi Haziri.
Avokati përmes një postimi në Facebook, ka thënë se vazhdimi i vaksinimit nga ana e politikanëve tjerë - në rrethana kur nuk ka vaksina për të moshuar dhe të sëmurë kronik, është keqpërdorim i privilegjeve.
Ai ka thënë se askush nuk guxon të vaksinohet pa rend.
Postimi i tij i plotë:
Vaksinimi i Kurtit në cilësinë e kryeministrit për qëllim të sensibilizimit, mund të arsyetohet.
Por, vazhdimi i vaksinimit nga ana e politikanëve tjerë - në rrethana kur nuk ka vaksina për të moshuar dhe të sëmurë kronik, është keqpërdorim i privilegjeve.
Askush nuk guxon të vaksinohet pa rend.
Askush!
