Shefja e Grupit Parlamentar të Lëvizjes Vetëvendosje, Mimoza Kusari-Lila ka deklaruar se Grupi Parlamentar i VV-së ka përfunduar të gjitha përgatitjet për të dorëzuar nënshkrimet që kanë të bëjnë me kërkesën për ndryshimin e Ligjit për Zgjedhje.
Ky projektligj ka të bëjë me votimin e mërgatës së Kosovës në Ambasada e Konsullata, meqë rast Kusari-Lila tha se mërgimtarëve do t’u lehtësohet procedura e votimit.
Ndryshe, Kusari e konfirmoi se tashmë kanë paraqitur kërkesën për dy kandidatura për President të Kosovës, ku kandidatja e parë e cila ka nënshkrimet e nevojshme të Kuvendit për Presidente është Vjosa Osmani dhe kandidati i dytë është Nasuf Bejta.
Ajo njoftoi se seanca për zgjedhjen e presidentit pritet të thirret menjëherë pas përfundimit të asaj për Ligjin për Zgjedhjet, duke respektuar afatet kohore.
