Sot besimtarët katolikë festojnë Ditën e Pashkëve.
Kremtimi i Pashkëve është momenti më i madh në kalendarin liturgjik të Kishës Katolike dhe kishave të tjera të krishtera.
Në këtë ditë Pashkët shënojnë ringjalljen e Jezu Krishtit pas kryqëzimit, ringjallje që simbolizon besimin te Zoti, shpresën për të gjithë besimtarët.
Mbrëmë në Katedralen “Nënë Tereza” në Prishtinë, nën drejtimin e Ipeshkvit të Ipeshkvisë së Kosovës, Izmot Dodë Gjergjaj, është mbajtur ceremonia e Meshës Solemne të Pashkëve.
Ceremonia e vigjiljes së pashkëve në Prishtinë filloi me lutjen për paqe dhe dashuri.
Gjatë Meshës, në urimin e tij, imzot Gjergji, rikujtoi se pashkët janë një festë e veçantë në botën e krishtere, ditë e ringjalljes së Krishtit, ditë e ringjalljes së shpresës, ditë e ringjalljes së jetës, ditë e ngadhënjimit të jetës mbi vdekjen, ditë përjetësisë.
Ndërsa, fokusi i mesazhit të tij ishte situata e krijuar pas përhapjes së pandemisë Covid-19, dhe kujtoj plotë një vit me këtë sëmundje vdekjeprurëse.
Ai tha se vaksina e mundësuar nga mjekësia për Covid-19 është një shpresë për t’u përballur me pandeminë.
Për nder të kësaj feste sot në Kosovë në ora 11:00 mbahet mesha në Katedralen Shën Nënë Tereza në Prishtinë.
Ndërsa, Ipeshkvi i Dioqezës Prizren-Prishtinë, Sh. T. Imzot Dodë Gjergji, do të kremtojë meshën e Ditës së Pashkëve në Katedralen Zoja Ndihmëtare në Prizren, në ora 11:00).
Në ora 17:00 do të mbahet në gjuhën angleze Mesha në Katedralen Shën Nënë Tereza, Prishtinë.
Dhe në orën 18:00 mbahet Mesha në Kishën e Shën Ndout në Ulpianë, Prishtinë.
Pashkët, janë kremtimi më i madh i kalendarit liturgjik i Kishës Katolike dhe i kishave të tjera të krishtera të cilat kremtojnë Ringjalljen e Jezusit të Nazaretit ndodhur, sipas Besëlidhjes së Re, tre ditë pas vdekjes së tij në Kryq.
